Real સત્સંગ કરો, શો બાજીનો નહીં
ઈ.સ. ૨૦૧૮માં ઝોનલ શિબિર અન્વયે ગુરુવર્ય પ.પૂ. સ્વામીશ્રી મહેસાણા સેન્ટરમાં પધાર્યા હતા.
ગુરુજીને રાજી કરવા નાનાં ભૂલકાંઓએ ગુરુજીના સ્વાગતમાં એક ‘વ્હાઇટ નોટીસ બોર્ડ’ મૂકયું હતું.
ભૂલકાંમુક્તોએ ગુરુજીને પ્રાર્થના કરી,
“દયાળુ, આપ આ બોર્ડમાં લખો ને, આજ્ઞા કરો તૈયાર છીએ.”
Real (સાચા) સત્સંગના આગ્રહી વ્હાલા ગુરુજીએ ભૂલકાંમુક્તોને કહ્યું,
“બાળમુક્તો ! આ લખવાનો હેતુ શો ? આપ જાણો છો ! માત્ર લખવાથી પૂર્ણ નહિ થાય. બાળમુક્તો, તમે ખરેખરા આજ્ઞાપાલક થશો તો મહારાજ, બાપા તથા ગુરુદેવ બાપજી ને અમે પણ રાજી થઈશું; નહિતર અમારું લખવાનું માત્ર આ આર્ટિફિશિયલ થયું કહેવાય; ખબર પડી ? માત્ર બનાવટી દેખાવનું બની રહેશે... અમારા બાળમુક્તો આવા હોય ? ના હોય ને !” બાળમુક્તો ગુરુજીની વાત સાંભળી આજ્ઞાપાલક જીવન જીવવા કૃતનિશ્ચયી બન્યાં.
આમ, ગુરુજીએ નાનાં ભૂલકાંઓને બાળપણથી Real (સાચો) સત્સંગ કરવાનો ઉપદેશ આપ્યો.
