ગુરુવર્ય પ.પૂ.બાપજીએ એક હરિભક્તને સદ્.મુનિસ્વામીનો અપરંપાર મહિમા સમજાવ્યો.
“બાપજી, આપે જે સદ્ગુરુઓની પેઢી આ સિંહાસનમાં પધરાવી છે તેમાં બધા સદ્ગુરુને ઓળખું છું પણ (આંગળી ચીંધીને) આ છેલ્લા કયા નંદ છે ?”
દર્શને આવેલા એક નવા હરિભક્તે ગુરુવર્ય પ.પૂ. બાપજીને પૂછ્યું.
ગુરુવર્ય પ.પૂ. બાપજીને તો પોતાના ગુરુની ઓળખ આપવાનો અવસર પ્રાપ્ત થયો હોય તેમ કેફથી કહ્યું,
“ભગત, એ તો નંદ નથી; નંદોનાય નંદ છે. એમની તો વાત જ શી કહેવી ?”
“બાપજી, એ નંદનું નામ શું છે ?”
“એમનું નામ મુનિસ્વામી (સદ્. કેશવપ્રિયદાસજી સ્વામી) છે. પણ અનંત બ્રહ્માંડોને સંકલ્પે કરીને મૂર્તિમાં પહોંચાડી દે છે માટે નંદોના પણ નંદ છે.”
એ નવા જ હરિભક્ત ગુરુવર્ય પ.પૂ. બાપજીનું ગુરુ પરત્વેનું અપરંપાર મહિમાસભર હૈયું જોઈ તેમને વંદી રહ્યા.
